Grüezi Winterthur

und herzlich willkomme uf dä Homepage vo eusem Verein «Mir vo Winti». Wo Cooking Fellows beschlosse händ ihres Vereinslokal im Dättnau ufzge will di meiste kei Ziit me händ zum nebscht em Job au no z’wirte händ es paar Mitglieder und Stammgäst beschlosse, das einzigartig Lokal z’überneh um dä toll Treffpunkt für Jung bis Alt am Läbe chöne z’erhalte. Nach ere churze Pinsel- und Ihrichtigsrenovationspause im Frühjahr 2020 und nachem erste Coronalockdown, hät dä Verein «Mir vo Winti» d’Eröffnig vom Vereinslokal «Ziegelhütte» im Juni 2020 gfiiret.

I dä Ziegelhütte organisiert dä Verein mirvowinti.ch Events wo für alli Persone zuegänglich sind. Alli Vereinsevents werded laufend uf dä Homepage ufgschalte. Am beste tüender dä Newsletter abonniere, dänn verpassed ihr kein Tag wo Ziegelhütte offe hät!

Di meiste Events händ mit Esse, Trinke und s’Läbe gnüsse ztue. Mir laded bekannti Gastköch ih, koched und wirted mängmal au selber und meistens isch s’Motto; d’Seele chli la bambele lah, zäme lache, zäme fäste und gueti «alti» und neui Musig lose.

Ziegelhütte chamer miete für privati Ahläss. Gern mached mir eu uf Ahfrag e Offerte.

Wetsch me wüsse oder euise Verein als Gönner oder Sponsor understütze? Mir freued euis uf dini Kontaktufnahm per Mail info@mirvowinti.ch oder direkt bime Vereinsmitglied vo «Mir vo Winti»!



Newsletter

Du chunsch nach de Amäldig es Email zur Bestätigung über!

Adresse